Татарстанда сабыйларга нинди исемнәр кушканнар? Одар, Миран, Сафира һәм Капитолина

Узган атнада, 13 июньнән 19 июньгә кадәр, Гражданлык хәле актларын теркәү идарәсенең Казан бүлекләрендә 362 бала — 195 малай һәм 167 кыз тууы теркәлгән. Шул ук вакыт аралыгында 288 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 1200 грамм авырлыкта туган, ә иң зурысы 4650 грамм тәшкил иткән.

Атнаның иң популяр исемнәре Марк, Тимур, Даниил, Виктория, София, Ульяна, Әминә булган, ә иң сирәк исемнәр –  Одар, Миран, Мелек, Сафира, Капитолина, Ника, Эллария.

Фото: pixabay