Тукай районында квадроцикл каплану нәтиҗәсендә кеше үлгән

Татарстанның Тукай районында коточкыч хәл булган. Квадроцикл белән печәннән кайткан вакытта, техника каплана һәм, нәтиҗәдә, 63 яшьлек ханым үлә. Бу хакта Mash Iptash телеграм каналы хәбәр итә.

Ир печәнгә бара, 63 яшьлек әнисен һәм 11 яшьлек туганын үзе белән ала. Тауга менгәч, идарә югала һәм квадроцикл каплана.

Пенсионер ханым җиргә егыла һәм тәгәрмәч астында кала. Ул шунда ук һәлак була. Баланы хастаханәгә алып китәләр.