Июль Татарстанда яшенле яңгыр һәм көчле җилдән башлана

Июльнең беренче көнендә Татарстанда елның иң эссе ае өчен бөтенләй дә хас булмаган һава торышы көтелә. Аерым алганда, республика җирлегендә яшенле яңгырлар көтелә. Төньяк-көнчыгыштан исүче җилнең тизлеге секундына 15-20 метрга җитәчәк.

Синоптиклар фаразлары буенча, 1 июль төнендә Татарстанда +6..+11 градуска кадәр салкын булачак. Көндез һаваның максималь температурасы +16..+21 градус.

Казанда төнлә термометр баганалары +7..+9 градус билгесенә төшәчәк. Көндез һава +18..+20 градуска кадәр җылыначак.

Фото: funart.pro