Казанны Сыктывкар һәм Архангельск белән яңа авиарейс тоташтырачак

20 июльдә Казаннан Сыктывкар һәм Архангельскига авиарейслар башкарыла башлаячак. Бу хакта Казан мэриясе матбугат хезмәте хәбәр итә.

Казаннан 11:15 сәгатьтә очып китәчәк, Сыктывкарга 12:40 сәгатьтә төшәчәк. Аннары 13:40 сәгатьтә самолет Архангельскига китәчәк, анда 15:00 сәгатьтә төшәчәк.

Архангельскидан кире юнәлештә 15:45 очачак, Сыктывкар аэропортына 17:05 сәгатьтә төшәчәк. 18:05 сәгатьтә самолет Казанга оча һәм Татарстан башкаласына 19:35 сәгатьтә төшә. Һәр аэропорт өчен җирле вакыт күрсәтелгән. Очыш программасы 28 сентябрьгә кадәр гамәлдә булачак.

«РусЛайн» авиакомпаниясе очышларны 50 урынлы Bombardier CRJ-100/200 самолетларында башкарачак.

Фото: ТНВ