Онлайн трансляция

Свернуть

17 июльдә «Лапа дружбы» хәйрия акциясе узачак

17 июльдә «Лапа дружбы» хәйрия акциясе узачак

https://tnv.ru

15 Июль 2022, 11:55

1053

0

17 июльдә «Лапа дружбы» хәйрия акциясе узачак
17 июльдә Казанның «Крылья Советов» паркында «Лапа дружбы» хәйрия акциясе узачак. Шәһәр халкы «Зооцентр» приюты хайваннары белән аралашып кына калмыйча, ошаган этне өйләренә дә алып китә алачак, дип хәбәр итә Казан мэриясе матбугат хезмәте.

Акция 10:00 сәгатьтә этләрне урамда йөртү мәйданчыгында башлана. «Зооцентр» хезмәткәрләре приюттагы хайваннар турында сөйләячәкләр.

11:00 сәгатьтә кинолог Регина Мөхәммәтханова приюттагы эт белән уртак тел табу һәм йортны аның кайтышына ничек әзерләргә кирәклеге турында лекция уздырачак, дрессировка белән күрсәтмә чыгыш ясаячак.

12:00 сәгатьтә ветеринар Юлия Подковырина шәһәр халкына хайванның сәламәтлеге үз-үзен тотышына ничек йогынты ясавы турында сөйләячәк.

Акция барышында «Игелек өстәле» эшләячәк – теләгән һәркем приют өчен азык, дарулар һәм башка кирәкле әйберләр алып килә ала. Шулай ук хайваннар өчен табигый азык һәм тәм-томнар ярминкә-сату эше оештырылачак. Моннан тыш, оештыручылар «этләр свопы» уздырачак, анда теләгән һәркем амуниция, уенчыклар, тәм-томнар алып килә һәм башка катнашучылар белән алмаша алачак, дип хәбәр иттеләр Парклар һәм скверлар дирекциясендә.

Фото: kzn.ru

Комментарии 0

Аватар