Казанда Салих Батыев урамы буенча хәрәкәт чикләнә

Казанда ел ахырына кадәр Салих Батыев урамы буенча хәрәкәт чикләнәчәк. Бу Кол Гали урамындагы торак йорт төзелеше белән бәйле, дип хәбәр итә Казан мэриясе матбугат хезмәте.

18 июльдән 30 декабрьгә кадәр Салих Батыев урамы буенча 1 санлы бинадан алып Кол Гали урамы киселешенә кадәрге участокта хәрәкәт тулысынча ябылачак.

Исегезгә төшерәбез, Казанда 18 июльдән шулай ук Губкин урамы буенча хәрәкәт чикләнәчәк.

Фото: ТНВ