Татарстанда сабыйларга нинди исемнәр кушканнар? Динислам, Эрлан, Әлфис, Аэлита һәм Кәрим

Узган атнада, 18 июльдән 24 июльгә кадәр, Гражданлык хәле актларын теркәү идарәсенең Казан бүлекләрендә 395 бала — 202 малай һәм 193 кыз тууы теркәлгән. Шул ук вакыт аралыгында 399 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 900 грамм авырлыкта туган, ә иң зурысы 5190 грамм тәшкил иткән.

Атнаның иң популяр исемнәре Тимур, Кәрим, Әскәр, Роберт, Алисә, Василиса, Әминә һәм Ева булган, ә иң сирәк исемнәр – Динислам, Эрлан, Әлфис, Аэлита, Риналия һәм Эллиса.

Фото: pixabay