Казанда Ульянов-Ленин урамы буенча хәрәкәтне чикләү 2023 елның июненә кадәр озайтыла

Казанда Ульянов-Ленин урамы буенча хәрәкәтне чикләү дәвам итә. Тиешле боерык Казан шәһәре муниципаль берәмлегенең Документлар һәм хокукый актлар җыентыгының 28 нче номерлы санында басылып чыкты, дип хәбәр итә Казан мэриясе матбугат хезмәте.

2023 елның 26 июненә кадәр Ульянов-Ленин урамы буенча 24 номерлы бина янында автомобиль транспорты хәрәкәте чикләнәчәк.

1887 елда бу урамда Владимир Ленин яшәгән. Ябылу да нәкъ менә ул яшәгән йорт территориясендәге эшләр белән бәйле.

Фото: ТНВ