"Безгә шикле квитанцияләр килде" - бу очракта нишләргә?

Казанның Восстание урамындагы 58нче йортта яшәүчеләр "Татарстан хәбәрләре" редакциясенә шикле квитанцияләр килү буенча мөрәҗәгать итте. Аларның почта тартмаларында калдырылган хатларда газ җайланмаларына техник тикшерү уздыру өчен килешү төзергә тәкъдим ителә. Бу хезмәт өчен 2 мең сумга якын акча сорыйлар. Бу законлы эшме?

Без әлеге кәгазьдә күрсәтелгән оешмага мөрәҗәгать иттек. Бу түләү квитанциясе түгел, ә газ җайланмаларына техник тикшерү уздыру өчен безнең оешма белән килешү төзү турындагы тәкъдим генә дип җавап кайтардыллар. Аны кирәк тапмаучылар бу хезмәттән баш тарта ала.