110 янгын сүндерүче, 34 техника һәм зур төтен өермәсе - Казанда нәрсә янды?

Кичә кич «Хитон» заводы территориясендә 3-нче Кленовая урамында җитештерү тимер-бетон склады эчендә үсемлек мае янды, дип хәбәр итә Татарстан Гадәттән тыш хәлләр министрлыгы матбугат хезмәте.

Янгын мәйданы 420 квадрат метр тәшкил иткән. Янгынны сүндерүгә 110 кеше һәм 34 берәмлек техника җәлеп ителде. Моның сәбәбе ачыклана.

Җирле халыкның көчле янган май исенә шикаятьләреннән соң, экологлар янгын урынында пычраткыч матдәләр булуга атмосфера һавасы пробаларын алды. Кичә Казанның берничә ноктасыннан зур төтен өермәсен күреп булды.

Фото и видео: МЧС РТ