Республика һәм шәһәр көнендә кая барырга?

Татарстан Республикасы һәм Казан шәһәре көнендә күп кенә кызыклы чаралар көтелә. Шуларның иң зурларын ТНВ репортажында тупладык.

Казан гаилә үзәге исә һәр елдагыча башкала халкын берләштерү урынына әйләнәчәк. Махсус кунаклар - Филүс Каһиров, Uma2rman төркеме һәм Ваня Дмитриенко. Игенчеләр Сарае каршында ачык һавада "Казан көзе" опера фестивале катнашучылары тамашачыны классик музыка белән сөендерәчәк.

Автобуслар кичке 12нче яртыга кадәр хәрәкәт итәчәк. Метро  гадәти режимда эшли. Башкала халкы һәм килгән кунакларның иминлеген полиция һәм Росгвардия хезмәткәрләре тәэмин итә. 

Республика көне кичке унда салют белән тәмамланачак. Бәйрәм чараларыннан ТНВ һәм ТНВ-планета каналларында трансляцияләр көтелә.