Эш атнасы ахырында Татарстанда +34 градуска кадәр кыздырачак

26 август Татарстан җирлегендә +34 градуска кадәр эссе булачак. Явым-төшемсез алмашынучан болытлы һава көтелә.

ТР Гидрометеорология үзәге порталы мәгълүматлары буенча, җомга төнендә республикада һава температурасы +10..+15 градуска кадәр төшәчәк. Көндез һава температурасы +29..+34 градуска кадәр җитәчәк.

Казанда төнлә термометр баганалары +16..+18 градус билгесенә төшәчәк. Көндез һаваның максималь температурасы +31..+33 градус булыр дип көтелә..

Элегрәк КФУ профессоры Юрий Переведенцев Татарстан башкаласы җирлегендә хөкем сөргән экстремаль эсселек, ким дигәндә, 31 августка кадәр дәвам итәчәк, дип фаразлады.

Фото: krasivosti.pro