Казанда Чернышевский урамы буенча хәрәкәт өлешчә чикләнәчәк.

Казанда Чернышевский урамы буенча хәрәкәт өлешчә чикләнәчәк. Бу электр кабель трассасын салу эшләренә бәйле, дип хәбәр ителә Казан мэриясе матбугат хезмәтендә.

Чикләүләр 14-27нче сентябрьгә туры киләчәк. Бу вакытта машина юлы өлешчә, ә Чернышевский урамындагы 5/4 номерлы йорт янындагы участокта тротуар тулысынча ябылачак.

Исегезгә төшерәбез, Казанда 9 сентябрьдән алып 14 сентябрьгә кадәр Гагарин, Жилищная һәм Силикат урамнары участокларында автомобиль транспорты хәрәкәтен чикләячәкләр. Бу урта басымлы газ линиясен тоташтыру эшләре белән бәйле.

Фото: ТНВ