Иртәгә Республика кан үзәгендә донорлык акциясе узачак

Иртәгә, 15 сентябрьдә, Казанда «Пациентлар өчен канның куркынычсыз компонентлары» хәйрия донорлык акциясе узачак.

Кан алу Җиңү проспекты, 85 адресы буенча урнашкан Республика кан үзәгендә 8:00 дән 12:00 гә кадәр үткәреләчәк.

Бирегә авырлыгы 55 килограммнан артып киткән кешеләр чакырыла. Шулай ук кан тапшыручының процедурага каршы күрсәтмәләре дә булырга тиеш түгел. Детальләрне сылтама буенча белергә мөмкин. Оештыручылар акциядә катнашучыларга истәлекле сувенирлар бүләк итәчәкләр.

Чара ел саен 17 сентябрьдә билгеләп үтелә торган Бөтендөнья пациентлар куркынычсызлыгы көненә багышланган.

Исегезгә төшерәбез, Казанда җәйге донор акциясендә 129 кеше катнашкан иде һәм кан запасы 58 литрга тулыланды.

Фото: «Республика кан үзәге»