Эш атнасы ахырында Татарстанда һава +19 градуска кадәр җылыначак

Җомга, 16 сентябрьдә, Татарстан җирлегендә яңгырлы уртача һава торышы көтелә. Төнлә һәм иртән республиканың аерым районнарын томан каплый.

Синоптиклар фаразларына караганда, Республикада төнлә һава температурасы +7..+12 градуска кадәр төшәчәк. Көндез һаваның максималь температурасы +14..+19 градус тәшкил итәчәк.

Казанда төнлә термометр баганалары +9..+11 градус билгесенә төшәчәк. Көндез һава +14..+16 градуска кадәр җылыначак.

Фото: damion.club