Казанда өч урамда автомобильләр һәм җәяүлеләр хәрәкәте чикләнәчәк

Газүткәргеч челтәрләрендәге эшләр белән бәйле рәвештә, Казанда Восстание һәм Г.Коләхмәтов урамнарында җәяүлеләр өчен хәрәкәткә, шулай ук Васильченко урамында автомобиль транспорты өчен чикләүләр озайтылган.

11 октябрьгә кадәр Васильченко урамы буенча 1в, 6, 6/1, 7, 12/4, 16 к.1, 16 к.2, 63нче санлы йортлар янындагы юл автотранспорт хәрәкәте өчен ябыла.

11 октябрьдән 25 нче ноябрьгә кадәр Г.Коләхмәтов урамындагы 31нче санлы йорт һәм Восстание урамындагы 83а санлы йорт янында тротуарлар өлешчә ябылачак.

Фото: ТНВ