Татарстанда сабыйларга нинди исемнәр кушканнар? Каюм, Эдгар, Ян, Зиннәт, Стефания, Серафим һәм Рафаэлла

Узган атнада, 12 сентябрьдән 18 сентябрьгә кадәр, Гражданлык хәле актларын теркәү идарәсенең Казан бүлекләрендә 351 бала — 170 малай һәм 181 кыз тууы теркәлгән. Шул ук вакыт аралыгында 292 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 1190 грамм авырлыкта туган, ә иң зурысы 4970 грамм тәшкил иткән.

Атнаның иң популяр исемнәр арасында Лев, Әскәр, Марк, Кәрим, Амелия, София, Асия һәм Элина булган, ә иң сирәк исемнәр –  Каюм, Эдгар, Ян, Зиннәт, Стефания, Василина, Серафим һәм Рафаэлла.

Фото: pixabay