Ни сәбәпле халык мәйданчыксыз калган?

ТНВның "Татарстан хәбәрләре" редакциясенә Казанның Зур Дәрвишләр бистәсендә яшәүчеләр мөрәҗәгать итте. Бөтен бистәгә бердәнбер балалар мәйданчыгыннан да колак кагарга мөмкинбез, ди алар. Сүзләренә караганда, дистә еллар буе балалар уйнаган мәйданчыкны шәхси затка сатканнар. Ә ул анда төзелеш башлаган.

Мәйданчыкны - грант акчасына төзеткән булганнар. Җирнең законлы сатылуына шикләнәләр. 827 квадрат метрлы мәйдан ничек физик зат кулына күчкән? Хәзер балаларга кайда уйнарга? Хәлгә Рания Абдрахманова ачыклык кертергә тырышты.