Машинасы бар, тик йөри алмый - юристлар киңәше

Машинасы бар, тик йөри алмый. Сатып алган да - штрафстоянкага эләккән. ТНВга Казан автосалоннарының берсендә машина сатып алган гаилә мөрәҗәгат итте.

Салонда акча түләп, теркәр өчен ЮХИДИгә баргач, автомобильнең - ике машинадан җыелган булуы ачыклана. Сатып алучы әйтүенчә, автосалонда бу хәлгә аңлатма бирүдән баш тарталар. Янәсә, машинаны алар түгел, ә бинаның бер өлешен арендага алучы кеше саткан.

Бу очракта юристлар нинди киңәш бирә һәм шушындый хәлдә калмас өчен нишләргә? ТНВ хәбәрчесе әлеге мәсьәләгә ачыклык кертте.