Ярдәм кулын сузып - татарстанлылар мобилизацияләнгән егетләргә кирәк-ярак туплый

Татарстанда өлешчә мобилизация белән беррәттән - хәрбиләргә һәм гомумән Донбасста яшәүчеләргә ярдәм итү максатыннан - кирәк-ярак җыю буенча акция бара.

Анда халык та, эшмәкәрләр дә, зур предприятиеләр дә катнаша. Җылы кием-салым, дарулар, консервланган азык-төлек, яшелчә җыялар. Кайбер шәһәрләрдә - өлешчә мобилизациягә эләгүчеләрнең гаиләләренә дә ярдәм күрсәтелә башлый. Сүз балалар бакчаларына түләүсез йөрү һәм мәктәптә аларны бушлай ашату турында бара.