Татарстанда сабыйларга нинди исемнәр кушканнар? Рамин, Эльмар, Әсгать һәм Алик

Узган атнада, 26 сентябрьдән 2 октябрьгә кадәр, Гражданлык хәле актларын теркәү идарәсенең Казан бүлекләрендә 398 бала — 220 малай һәм 178 кыз тууы теркәлгән. Шул ук вакыт аралыгында 431 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 680 грамм авырлыкта туган, ә иң зурысы 4700 грамм тәшкил иткән.

Атнаның иң популяр исемнәр арасында Роман, Иван, Әскәр, Михаил, Ева һәм Риана булган, ә иң сирәк исемнәр –  Усман, Рамин, Эльмар, Әсгать, Алик, Василиса һәм Индира.

Фото: pixabay