Татарстанда сабыйларга нинди исемнәр кушканнар? Идрис, Айдан, Варис, Таисия һәм Нәҗибә

Узган атнада, 10 октябрьдән 16 октябрьгә кадәр, Гражданлык хәле актларын теркәү идарәсенең Казан бүлекләрендә 383 бала — 196 малай һәм 187 кыз тууы теркәлгән. Шул ук вакыт аралыгында 351 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 870 грамм авырлыкта туган, ә иң зурысы 4780 грамм тәшкил иткән.

Атнаның иң популяр исемнәр арасында Арслан, Матвей, Әмир, Кәрим, Василиса, Кира, Варвара һәм Мария булган, ә иң сирәк исемнәр –  Идрис, Айдан, Варис, Ольга, Таисия һәм Нәҗибә.

Фото: соц.сети