Казанда Камал театры янындагы чокырны бетерүгә 6,1 млн сум акча тотылачак

Казанда Галиәсгар Камал театры янында зур упкын барлыкка килгән иде. «Водоканал» МУП бюджетыннан 6,1 млн сум әлеге чокыр аркасында туган проблемаларны хәл итүгә тотылачак. Бу хакта Дәүләт сатып алулары порталында хәбәр ителә.

Исегезгә төшерәбез, 10 октябрь көнне бер кыз әлеге чокырга төшеп киткән иде. Якындагы кешеләр аңа ярдәмгә килделәр. Кызны шунда ук хастаханәгә алып киткәннәр. 22 яшьлек кызга, бәхеткә, зыян килмәгән һәм аны өенә җибәргәннәр.