Түбән Кама районындагы Байгол авылында халыкка 20 ел төзекләндерелмәгән бинада медицина ярдәме күрсәтелә - видео

Түбән Кама районындагы Байгол авылында яшәүчеләр яңа ФАП турында хыяллана. Әлегә аларга күрше авылдан, мобиль бригада килеп, атнасына 2 тапкыр медицина ярдәме күрсәтә.

Халыкны 20 ел төзекләндерелмәгән бинада кабул итәргә мәҗбүрләр. Байголдагы медицина пунктына Байданкино авылында яшәүчеләр дә килә. Түбән Кама районының сәламәтлек саклау идарәсендә монда гомер итүчеләргә ярдәм итәргә телиләр. Тик әлеге ике авыл халкының саны 200гә дә тулмый. Ә дәүләт нормативы буенча, ФАП төзү өчен, ким дигәндә, 300 кеше булуы шарт.

Проблеманы хәл итүнең нинди юлы бар? Тулырак ТНВ репортажында.