Татарстанда пенсионерны 115 мең сумга алдаганнар

Казанда тагын бер пенсионер мошенниклар тозагына эләккән. Бу юлы мошенниклар 115 мең акчаны үз иткәннәр, дип яза Казан мэриясе матбугат хезмәте.

Зыян күрүче сүзләренчә, мошенниклар пенсионерны кияве ярдәмгә мохтаҗ дип ышандырганнар. Нәтиҗәдә, казанлы курьерга 115 мең сум акча биргән. Соңрак ир туганы белән элемтәгә кергән һәм аның бернинди авариягә дә эләкмәгәнен аңлаган.

Полиция хезмәткәрләре мошенниклыкка катнашы булган курьерны тоткарлый. Хәзерге вакытта «Мошенниклык» өлеше буенча кузгатылган җинаять эшен тикшерү дәвам итә.

Фото: pixabay