ТНВ "Ак Барс" - "Куньлунь" матчын туры эфирда күрсәтәчәк

Бүген Казанда Фондет КХЛның чираттагы матчы узачак. "Ак Барс" "Татнефть-Арена"да Кытай клубы "Куньлунь Ред Стар"ны кабул итә. ТНВ каналы матчны туры эфирда күрсәтәчәк. Башлана 19:00 сәгатьтә.

Исегезгә төшерәбез, регуляр чемпионатның соңгы матчында "Ак Барс" үз бозында "Авангард"тан өстен чыкты (3:2 ОТ), ә "Куньлунь" Ярославльдә "Локомотив"ны җиңүгә иреште (1:0).

"Ак Барс" матчка Динар Хафизуллин, Константин Лучевников, Михаил Глухов һәм Александр Радуловтан башка әзерләнә. Алар җәрәхәтләнүчеләр исемлегендә.

Фото: ak-bars.ru