Татарстанда янгында хатын-кыз һәм ир-ат янып үлгән

Бүген иртән Лениногорскның Лермонтов урамында урнашкан 37 номерлы ике катлы йортта янгын чыккан. Янгында ике кеше: хатын-кыз һәм ир-ат янып үлгән. Хәзерге вакытта аларның кем икәнлеге ачыклана, дип хәбәр итә Татарстан Республикасы Гадәттән тыш хәлләр министрлыгы матбугат хезмәте.

Янгын мәйданы 5 квадрат метр тәшкил иткән. Гәүдәләрне янгынны сүндергән һәм калдыкларны актарган вакытта табалар. Янгын сәбәпләре ачыклана.

Фото һәм видео: МЧС РТ