Татарстанда кышкы каникулларны ике көнгә озайттылар

Татарстанда Мәктәп кышкы каникулларын язгы каникуллар хисабына ике көнгә озайттылар. Бу республикадагы суыклар белән бәйле, дип хәбәр итә ТР Мәгариф һәм фән министрлыгы матбугат хезмәте.

Ведомствода -23 градуста мәктәпкә башлангыч сыйныф укучылары килмәсә була, дип искәрттеләр. Температура -25 градуска кадәр төшкәндә, өйдә шәһәр мәктәпләренең башлангыч сыйныф укучылары һәм авыл мәктәпләренең бишенче-тугызынчы сыйныф укучылары кала ала.

- 30 градус булганда укудан 10-11 сыйныф укучылары азат ителә. Ә шәһәр мәктәпләренең өлкән сыйныф укучыларына -32 градус салкында өйдә калырга рөхсәт ителә.

Фото: ТНВ