Чаллы урамнарында ач төлкеләрне төшергәннәр - видео

Чаллының 65 комплекста яшәүчеләр төнлә йорт янында йөрүче төлкене төшереп алган. Башка урамнарда да төлке күрүчеләр булган, дип яза  "Шәһри Чаллы" газетасы.

"Урамда кыш. Кар катламы калын. Төлкеләргә азык эзләве кыенлашты. Тычканнарны табуы хәзер авыр. Шуңа күрә алар шәһәргә чыга. Гадәттә чүплек янында йөриләр, үзләренә ризык эзлиләр", дип әйткән 4нче санлы балалар экология һәм биология үзәге директоры Владимир Товма.