Күп функцияле үзәкләрдә машина йөртү таныклыкларын бирү вакытын кыскарттылар

Күп функцияле үзәкләрдә машина йөртү таныклыгын бирү вакытын 10 эш көненә кадәр кыскарттылар. Алдан таныклык 15 көн эчендә әзер була иде.

Документны рәсмиләштерү өчен паспорт, булган очракта машина йөртү таныклыгы, әгәр документның гамәлдә булу срогы чыккан булса яки аны яңа срокка әзерләгәндә медицина бәяләмәсе кирәк.

Халыкара йөртү таныклыгы алу өчен чит ил паспорты күчермәсе һәм 35х45мм фото кирәк булачак.

Илкүләм машина йөртү таныклыгын алу өчен – 2000 сум, халыкара таныклык өчен 1600 сум пошлина түләнә, дип хәбәр итә Казан мэриясе матбугат хезмәте.

Фото: pxhere.com