Быел Алабуга, Чистай һәм Яшел Үзәндәге тарихи объектларга зур игътибар биреләчәк - видео

Татарстанда тарихи корылма һәм урыннарны торгызу дәвам итә. Быел белгечләр Алабуга шәһәренең борынгы өлешенә һәм Чистайның тарихи үзәгенә, Яшел Үзәндәге Раифа монастыре зонасына зур игътибар бирәчәк.

Бу турыда кичә мәдәни мирас һәйкәлләрен саклау буенча дәүләт комитеты рәисе Иван Гущин депутатларга сөйләде. Парламенттагы мәдәният комитетының күчмә утырышында һәйкәлләрне саклауның өстенлекле юнәлешләре турында сүз барды.

Белгечләр әйтүенчә, республикада туристлар үзәгенә әверелә алырлык тагын 13 урын бар, хәзер аларда инфраструктура уңайлыклары булдыру шарт. Тулырак ТНВ хәбәрчесе Фәйрүзә Мәҗитова репортажында.