Халык сөт җыю бәясенең түбән булуы турында чаң суга - видео

Халык сөт җыю бәясенең түбән булуы турында чаң суга. "Адымнар" тапшыруында бу хакта тулы репортаж чыкты.

Бүген сөтне Чүпрәледә 23тән җыялар икән. Республикада - иң түбән бәя. Кайбыч, Апас, Буа, Югары Ослан, Кама Тамагында да әллә ни аерма юк - 25 сум тирәсе. Шул ук вакытта Балтачта сыер асраган кеше 30-31дән тапшыра. Кукмара, Бөгелмәдә дә 30, Актаныш, Азнакай, Ютазыда - 29 сумнан. Димәк, алар бер литрдан Чүпрәле фермерына караганда, 7 сумга артык файда эшли.

Ни өчен 2 районда сөт хакы өчтән бергә аерма бирә? Бу объектив сәбәпләрме, әллә инде сәбәп табу гынамы?