Татарстанның сәламәтлек саклау министрлыгын Марсель Миңнуллин җитәкләячәк

Республика клиник хастаханәсе баш табибының беренче урынбасары 49 яшьлек Марсель Миңнуллин Татарстан Сәламәтлек саклау министры вазифаларын вакытлыча башкаручы итеп билгеләнде. Бу турыда «Реальное время» хәбәр итә.

Марсель Миңнуллин — 20 еллык стажы булган профессиональ табиб-хирург. 1991 елда Казан дәүләт медицина университетын тәмамлый.

Исегезгә төшерәбез, Татарстанның атказанган табибы, Сәламәтлек саклау министры Марат Садыйков 29 гыйнварда 53 яшендә кинәт вафат булды.

Фото: rkbrt.ru