Казанда мошенниклар өлкән яшьтәге хатынны 300 мең сумга алдаганнар

Казанда яшәүче өлкән яшьтәге хатын телефон мошенникларына 300 мең сум акча күчерә. Алар ханымны оныгына ярдәм кирәк дип ышандыра.

27 февраль кичендә Казанда яшәүче пенсионер ханымның өй телефонына таныш булмаган кешеләр шалтыраткан һәм оныгының авариягә эләгүен хәбәр иткән. Мошенниклар үтенече буенча ул 300 мең сум акча әзерләгән һәм аларны курьерга тапшырган.

Әлеге факт буенча «Мошенниклык» җинаять билгеләре буенча җинаять эше кузгатылган.

Фото: pixabay