7 март Татарстанда юеш кар көтелә

7 март, Татарстан җирлегендә юеш кар көтелә. Бу хакта ТР Гидрометеорология үзәге хәбәр итә.

Синоптиклар республикада төнлә һава температурасы -5..-10 градуска кадәр төшәчәк, дип фаразлый. Көндез һаваның максималь температурасы 0..-5 градус булачак.

Казанда төнлә һава температурасы -5..-7 градуска кадәр төшәчәк. Көндез Татарстан башкаласында һава -1..-3 градуска кадәр җылыначак. Юлларда бозлавык саклана, игътибарлы йөрегез!

Фото: oir.mobi