Республикада быел 75 тапкыр коры үлән, кырлар янган

Татарстанда урман янгыннарын сүндерү станцияләренең әзерлеген тикшерә башладылар. Яз иртә килү сәбәпле, янгын чыгу ихтималы кискен арта.

Республикада урманнарга якын урыннарда быел инде 75 тапкыр коры үлән, кырлар янган. Бүген Татарстанга Идел буе федераль округыннан инспекторлар килде. Алар махсус техниканың төзеклеген, хезмәткәрләрнең әзерлеген тикшерәләр. Һәр нәрсәне урынга барып карыйлар.

Республика станцияләрендә кимчелекләр бармы? Табигаттә ял итүчеләргә нинди кагыйдәләрне истә тотарга кирәк? Бу хакта - Алия Сабирова тулырак.