Ураза гаете көнендә Татарстанда +19 градус җылы булачак

21 апрельдә Татарстан җирлегендә явым-төшемсез болытлы көн көтелә.

Татарстанның гидрометеорология идарәсе синоптиклары алдагы төндә Республикада һава температурасы +2..+7 градуска кадәр җитәчәк дип фаразлый. Көндез һаваның максималь температурасы +14..+19 градус тәшкил итәчәк.

Казанда төнлә +4..+7 градус булачак. Көндез Республика башкаласында һава +16..+18 градуска кадәр җылыначак.

Фото: funart.pro