25 апрель Татарстанда һава торышы +23 градуска кадәр күтәреләчәк

25 апрельдә Татарстан җирлегендә болытлы көн көтелә. Көндез урыны белән яңгыр явып үтәчәк. Бу көньяк-көнбатыш районнарга кагыла.

Татарстанның гидрометеорология идарәсе синоптиклары алдагы төндә Республикада һава температурасы +2..+7 градуска кадәр җитәчәк дип фаразлый. Көнбатыш районнарында бу сан +10 градуска җитәчәк. Көндез һаваның максималь температурасы +18..+23 градус тәшкил итәчәк.

Казанда төнлә +7..+9 градус булачак. Көндез Республика башкаласында һава +20..+23 градуска кадәр җылыначак.

Фото: chudo-prirody.com