Халыкара форум алдыннан "Казан Экспо"да махсус өйрәнүләр үтә

Нәкъ бер атнадан Казан Экспода "Россия - Ислам дөньясы" халыкара форумы башланачак. Быел ул беренче тапкыр федераль дәрәҗәдә үтә, 65 илдән катнашучылар киләчәк.

Кичә җаваплы хезмәткәрләр махсус сценарий буенча өйрәнүләр узды. Аның нигезендә, форум вакытында сәхнәдәге декорацияләргә ут кабып, янгын чыга. Залда утыручыларны тиз арада коткара башлыйлар. Медицина белгечләре һәм янгын сүндерүчеләр иминлекне тәэмин итәргә әзерме?

Гадәттән тыш хәл килеп чыкса, нинди чара күреләчәк? Болар турында ТНВ хәбәрчесе Инзилә Хөсәинова репортажында.