"Казан марафоны" финишында бер егет сөйгәненә тәкъдим ясаган

Кичә социаль челтәрләрдә "Казан марафоны"ннан күп кенә кызыклы, сөенечле кадрлар урнаштырылды. Шуларның берсе - финишка килеп җиткән егетнең сөйгәненә тәкъдим ясавы.

Видеолардан күренгәнчә, кыз да, егет тә йөгерештә катнашкан. Егет бу мизгелне марафон башланганнан бирле көткән булса, кыз гаҗәпләнеп калды. Аның шатлыгын күреп, ризалыгын белдерүен аңлап була.


Исегезгә төшерәбез, 27 һәм 28 май көннәрендә Татарстан башкаласында "Казан марафоны" узды. 12 мең йөгерүче катнашкан чара төбәкләрдә иң зурларның берсе булып санала.