Татарстан фәннәр академиясенең яңа президенты сайланды

Татарстан фәннәр академиясенең яңа президенты итеп Рифкать Миңнеханов сайланды. Яңа җитәкчене академиянең гомуми җыелышында яшерен тавыш биреп сайладылар.

Әлеге чарада Татарстан Дәүләт Советы рәисе Фәрит Мөхәммәтшин да катнашты. Ул фәннәр академиясенең элеккеге президенты, бу вазифада 9 ел эшләгән, Мәгьсүм Сәлаховка рәхмәт сүзләрен җиткерде.

Парламент башлыгы фәннең икътисад үсеше өчен бик мөһим булуын билгеләп үтте. Һәм бу юнәлештә Рифкать Миңнехановка уңышлар теләде. Фәнни утырыштан — Илдар Сафиуллин.