Татарстанда кабат +35 градус эссе булачак! Кайчан?

Республиканың Гидрометеорология һәм әйләнә-тирә мохит мониторингы идарәсендә Татарстанга якынлашып килүче 35 градуслы эсселек турында кисәттеләр.

Синоптиклар фаразлавынча, 25 июльдә Татарстанда һава +23..+28 градуска кадәр җылыначак. 26 июльдә көндез һава температурасы +25..+30 градуска кадәр күтәреләчәк.

27 июльдә көндез һаваның +29..+34 градуска кадәр җылынуы көтелә. Фаразлар буенча, 28 һәм 29 июльдә, Татарстанда температура +30..+35 градуска кадәр җитәргә мөмкин. Шул ук вакытта яңгырлар һәм яшеннәр ихтималлыгы сакланачак.

Фото: pxhere.com