Камада 12 яшьлек бала батып үлгән

Кичә Түбән Кама районында «Вишневый сад» ял базасыннан 2 км ераклыкта 12 яшьлек яшүсмер батып үлгән. Бу хакта төбәк прокуратурасының матбугат хезмәте хәбәр итә.

Беренчел мәгълүматлар буенча, малай елгага ике сыйныфташы белән килгән. Шунысын да әйтергә кирәк, бу урын су коену өчен җиһазландырылмаган була.

Элегрәк хәбәр ителгәнчә, Татарстанның Әгерҗе районы Ташлы авылында 33 яшьлек ир-ат Күләгәш елгасында су коену өчен җиһазландырылмаган урында батып үлгән.

Фото: телеграм-канал Прокуратуры РТ