Махсус хәрби операция зонасында 44 яшьлек "КАМАЗ" хезмәткәре батырларча һәлак була

22 августта Украинадагы махсус хәрби операция барышында «КАМАЗ» 3 нче кою цехы начальнигының 44 яшьлек урынбасары Эдуард Асанов батырларча һәлак була. Бу хакта заводның матбугат хезмәте хәбәр итте.

Эдуард Асанов — лейтенант. Июнь аенда ДНР халык милициясе идарәсеннән II дәрәҗә «Хәрби батырлык өчен» медале белән билгеләнә.

Хәрбинең туганнары һәм якыннарының тирән кайгысын уртаклашабыз!

Фото: vestikamaza.ru