23 яшьлек кыз Яңа ел чыршысы алам дип алдана

Казанда яшәүче 23 яшьлек кыз мошенникларга ышана һәм 68 мең сумнан артык акчасын югалта. Халыкны сак булырга кисәтеп, шәһәр мэриясе яза.

Зыян күрүче сөйләвенчә, мессенджерларның берсендә ул яңа ел чыршыларын күпләп сатып алу тәкъдимен тапкан. Кыз сатучы белән элемтәгә керә һәм аңа бирелгән счетка түләү өчен кирәкле сумманы күчерә.

Нәтиҗәдә, казанлы товарны ала алмый, ул «Савиново» полиция бүлегенә мөрәҗәгать итә. «Мошенниклык» билгеләре буенча җинаять эше кузгатылган.

Фото: pixabay