Биектау районында полимер материаллар җитештерүче предприятиедә яңа җайланманы эшләтеп җибәрделәр

Бүген үз чыгышында Владимир Путин импортны алыштыру мәсьәләсенә дә тукталды. Аннан чит ил дарулары турында сорадылар.

"Үзебезнең предприятиеләр эшли, махсус комиссия оешкан, чит ил препаратлары урынына икенчеләре булачак" - диде ул. Бүген Татарстанда исә, сәнәгать өлкәсендә импортны алыштыру белән бәйле вакыйга булды.

Биектау районында полимер материаллар җитештерүче предприятиедә яңа җайланманы эшләтеп җибәрделәр. Завод нефть эшкәртү һәм төзелеш тармаклары өчен торба, кабельләр ясый. Бу - Республикада хәзерге санкция басымы шартларында эшен көйләгән үрнәк предприятиеләрнең берсе. Аның эшчәнлеге белән Рүзәл Шәрипов танышып кайтты.