Татарстан Республика чыршы бәйрәменнән репортаж

Һава торышы Республика чыршысының бәйрәм программасына да үзгәреш кертте. Буран чыгу сәбәпле, 15ләп районнан балалар юлда тоткарланган. Шуны белеп алгач, Рөстәм Миңнеханов барлык малайлар һәм кызлар да җыелып бетмичә, тамашаны башламаска кушкан. Чөнки мондый бәйрәм елга бер генә була! Чыршы бәйрәменә 17 мең бала чакырылган иде.

10 меңенең әтиләре СВОда катнаша. Кеше саны күп булганлыктан, бәйрәм икегә бүлеп оештырылды. Көннең беренче яртысында республиканың төрле районнарыннан һәм шәһәрләреннән килүчеләрне, икенче яртысында башкалада балаларына тамаша курсәттеләр.