Казанда кибет түбәсе җимерелеп төшкәч җинаять эше кузгатылган

Казанның Дәрвишләр бистәсендәге кибет түбәсе, өстендәге карны тота алмыйча, җимерелеп төшкәннән соң, тикшерү комитеты җинаять эше ачты. Бу вакытта сәүдә үзәгенә кереп барган бер ханым, әздән генә, бәлага тармый кала.

Кичә Казан мэриясендәге эшлекле дүшәмбе киңәшмәсендә гадәттән тыш хәлнең тагын бер сәбәбен әйттеләр. "Түбә кыегы, тиешле органнардан рөхсәт алмый гына, метр ярым алга чыгарылып эшләнгән" - ди Илсур Метшин. Ул бу хәл буенча тикшерү оештырырга кушты.

Ел башыннан башкалада мондый күңелсез очракның икенче тапкыр кабатлануы. Исегезгә төшерәбез, февраль башында металл кабул итүче складның түбәсе ишелгән иде. Теманы Чулпан Касыймова дәвам итә.