Казанда Яңа Сосновкадагы юл участогында хәрәкәт ике атнага чикләнәчәк

Яңа Сосновка торак массивындагы Дорожная урамы участогында транспорт хәрәкәте вакытлыча чикләнәчәк. Тиешле боерык шәһәр Башкарма комитетында имзаланган, дип яза Казан шәһәре мэриясе матбугат хезмәте.

Чикләү 1 апрельдән 14 апрельгә кадәр Пионер урамында урнашкан 11 нче һәм 13 нче йортлар янындагы юл өлешендә кертелә. Участокта түбән басымлы газүткәргечне боҗралы тоташтыру буенча эшләр башкарылачак.

Фото: ТНВ