Татарстанда БПЛА һөҗүме аркасында алты кеше зыян күргән

Алабуга һәм Түбән Кама предприятиеләренә пилотсыз аппаратлар һөҗүме вакытында алты кеше зыян күргән. Бу хакта Татарстан Сәламәтлек саклау министрлыгының матбугат хезмәте хәбәр итә.

Ведомство мәгълүматлары буенча, аларның тормышына һәм сәламәтлегенә бернәрсә дә куркыныч тудырмый. Өчесен тикшергәннән соң өйләренә җибәрәләр, өчесен хастаханәгә салалар.

Исегезгә төшерәбез, пилотсыз аппаратлар һөҗүме иртән иртүк булды. Татарстан Рәисе Рөстәм Миңнеханов хәбәре буенча, хәзерге вакытта барлык хезмәтләр дә югары әзерлектә тора.